സഖീ നിനക്കായ്...

ദൂരത്തു പോയി ഒളിച്ചിടും നേരത്ത് 

ആരോ എന്‍ ചാരത്തു വന്നിരുന്നു

 എന്‍ മിഴിയിണകള്‍ അറിയാതെ നോക്കി,

ആരെന്ന രൂപവും ആരെന്ന ഭാവവും 

എന്‍ മുന്നില്‍ അന്ന് തെളിഞ്ഞതില്ല 

സ്വപ്‌നങ്ങള്‍ നെയ്തിടും രാവില്‍ ഞാനൊരു 

 മിന്നിമറഞ്ഞിടും നക്ഷത്രമായി

മാനത്തു തുള്ളികളിച്ചിടും നേരത്ത് 

ഒരു സുന്ദര നാദം ഒഴുകി വന്നു 

എന്തെന്ന രാഗവും എന്തെന്ന ഭാവവും 

എന്നുള്ളില്‍ അന്ന് തെളിഞ്ഞതില്ല 

ജന്മാന്തരങ്ങള്‍ പിന്നിട്ടു ഞാനിന്നൊരു 

കാറ്റില്‍ വിലയാടിടും പുഷ്പമായി 

ഇലയില്‍ തല ചായ്ചിടും നേരത്ത് 

ആരോ എന്നെ തലോടി നിന്നു 

ആരെന്ന രൂപവും ആരെന്ന ഭാവവും 

എന്‍ കണ്ണിനുള്ളില്‍ തെളിഞ്ഞതില്ല 

എങ്കിലും സഖീ, ഒന്ന് ഞാന്‍ അറിഞ്ഞു 

എന്നെ തലോടി കടന്നു പോയൊരു 

കാറ്റിന്‍ നറും മണത്തില്‍ 

നിന്‍ സ്നേഹ സന്ദേശം ഞാനറിഞ്ഞു.